Giftig maskulinitet i film og TV: Eit blikk på Tony Soprano og Han Solo

Abstract

Denne bacheloroppgåva har som hensikt å sjå på korleis maskulinitet kjem til uttrykk i to svært populære karakterar innanfor film og TV. Som inngang til dette vil eg ta i bruk det omstridde omgrepet giftig maskulinitet for å sjå på Tony Soprano og Han Solo gjennom ei linse som er relativt ny. Eg vil sjå spesifikt på korleis karakterane blir introdusert for sjåar, samt relasjonane dei har til kvinnene i forteljingane dei tek del i.

Eg vil sjå på om giftig maskulinitet kan bli brukt som ei linse til å studere maskulinitet i filmvitskapen på eit anna vis enn det ofte har blitt gjort.