« Det skal jo ikkje stoppe meg, fordi om eg har begynt å gå på ei pille, liksom» : Ein studie om korleis studentar med ADHD handterer læring ved høgare utdanning

Abstract

Denne kvalitative undersøkinga ser nærare på korleis tre studentar med ADHD erfarer utfordringar dei møter i læring ved høgare utdanning.

Tre studentar med diagnosen ADHD vart intervjua i januar/februar 2014. Eg brukte halvstrukturert intervju. Deretter tok deltakarane ein intelligenstest, som bygger på Howard Gardner sin «Multiple intelligence» teori. Tilslutt skreiv deltakarane ein logg frå sine studieøkter i ein tidsperiode på ei veke. Resultat frå intelligenstest vart presentert i form av to ulike figurar. Med untgangspunkt i intervjua og loggane som studentane skreiv, vart det utvikla fylgjande kategoriar: Konsentrasjonsvanskar i læringssituasjonar, meistring og styrker og lærestrategiar.

Den fyrste kategorien handlar om hindringar som deltakarane møter i samband med sin diagnose. Den andre tek for seg deltakarane sine eigne opplevelser av å vere fokusert på noko. Samtidig viser denne kategorien også til styrker hjå deltakarane. Den siste kategorien, tek for seg kva strategiar og metodar deltakarane bruker for å lære seg pensum. Den viser også til nokre døme på strategiar og metodar som deltakarane ikkje tykkjer er effektive.

Funna i frå intervju og logg ble vidare drøfta i lys av fleire teoriar blant anna frå Gardner, Brown, Armstrong, Young og Bramham. Samtidig vart dei også drøfta opp mot funn frå intelligenstesten. Gjennom denne studien har eg prøvd fremje merksemd om kva tre studentar med diagnosen ADHD opplev som sine styrker og hindringar i læring ved høgare utdanning. Eg er klar øve at denne studien ikkje er representativ for alle studentar med ADHD. Eg håpar likevel at denne oppgåva kan bidra til meir kunnskap om studentar med ADHD.