Faktorar som påverkar deltaking i fysisk aktivitet hos personar med schizofreni

Abstract

Føremål: Undersøkja kva faktorar som påverkar deltaking i fysisk aktivitet hos personar med schizofreni, og vidare drøfta korleis sjukepleiar kan nytta ei salutogen tilnærming for å auke deltaking i aktivitet.

Metode: Systematisk litteraturstudie. Systematiske litteratursøk vart gjennomført i databasane CINAHL Complete, PsycINFO, Medline og Psychology and Behavioral Sciences Collection. Åtte artiklar vart inkludert, ein kvantitativ, fem kvalitative og to kombinasjonsstudiar. Analysen vart gjort ved hjelp av David Evans (2002) si stegvise innhaldsanalyse.

Resultat: Funna kan delast inn i barrierar og motivasjonsfaktorar. Barrierane er knytt til overvekt, dårleg fysisk form, medikamentbiverknadar, motivasjonslause, angst, kunnskapsmangel og økonomi. Motivasjonsfaktorane er knytt til betra fysisk form og utsjånad, meir energi, auka velvære, sosial støtte, glede, distraksjon frå symptom, støtte frå helsepersonell eller andre og auka sjølvtillit og meistring.

Konklusjon: Ei salutogen tilnærming kan bidra til at personane vert bevisstgjort på eigne haldningar til fysisk aktivitet, og kva motstandsressursar dei har tilgjengelege for å handtera utfordringane. Sjukepleiarens viktigaste rolle er å kartleggja brukarerfaring og skapa motivasjon for å styrka oppleving av samanheng. Vidare forsking bør utforska pasientperspektivet nærare for å gi helsearbeidarar auka forståing for opplevde utfordringar, noko som kan skapa utvikling av betre tilpassa aktivitetstilbod.

Aim: Assess factors affecting engagement in physical activity among people with schizophrenia, and further discuss how nurses can use a salutogenic approach to increase engagement.

Method: Systematic literature review. Systematic literature searches were conducted in the databases CINAHL Complete, PsycINFO, Medline and Psychology and Behavioral Sciences Collection. Eight articles were included, one qualitative, five qualitative and two combination studies. The analysis followed the model of stepwise content analysis as described by David Evans (2002).

Result: The findings can be sorted into barriers and motivating factors. Common barriers were being overweight, poor physical fitness, side effect to medication, anxiety, lack of motivation and lack of knowledge and money. Common motivating factors were losing weight, having more energy, improved appearance, distraction from symptoms, social support, enjoyment, support from health professionals or others and increased confidence and sense of achievement.

Conclusion: A salutogenic approach can contribute to comprehensibility to attitudes towards physical activity and available resources that create manageability. An important nurse task is to investigate the patients experience and create motivation to increase sense of coherence. Further research should investigate the patient perspective further. This can contribute to give health workers a bigger understanding to perceived challenges and create development of better adapted activity alternatives.