Variasjon i bruk av arteriekateter og venekateter i Noreg og Europa

Abstract

Bakgrunn: Venekateter og arteriekateter er mykje brukt på intensivpasientar. Særleg bruk av arteriekateter er lite rapportert. Metode: Det er gjennomført ein eindags prevalensstudie på kateterbruk i intensivavdelingar i Noreg, Sverige, Danmark og Storbritannia, i siste kvartal av 2016. Resultat: Vi undersøkte 114 norske pasientar fordelt på 19 sjukehus, og 111 utanlandske pasientar fordelt på 12 sjukehus. I Noreg hadde 54% venekateter, og 71% arteriekateter. I utlandet hadde 66% venekateter, og 79% arteriekateter. Signifikante funn var at vena jugularis og arteria radialis var meir brukt i norske universitetssjukehus enn i andre norske sjukehus, og at “other veins” var meir brukt i “academical hospitals” enn i “other hospitals”. Konklusjon: Arteriekateter er mykje brukt på norske intensivpasientar, og meir brukt i norske universitetssjukehus enn i andre norske sjukehus.