Fedre si oppleving av inkludering på helsestasjonen

Abstract

Bakgrunn: Masteroppgåva er eit samarbeid mellom NTNU og Trondheim kommune. Bakgrunnen for studien er at kommunen ønska ei problemstilling innanfor temaet «Helsestasjonen som inkluderande møteplass». Oppgåva utforskar fedre si oppleving av inkludering på helsestasjonen og belyser ulike sider av møtet mellom fedrene og helsestasjonstenesta.

Problemstilling: Korleis er fedre si oppleving av inkludering på helsestasjonen?

Teori: Vi har sett på datamaterialet i lys av to teoretiske perspektiv; mattering og kjønnsteori. Tidlegare forsking viser at fedre ønsker ei meir aktiv og inkludert rolle på helsestasjonen, men at mange likevel føler seg ekskluderte eller kjenner på ei ulikheit i støtta som blir gitt til mor og far.

Metode: Dette er ein kvalitativ studie med eit induktivt design. Utvalet er ti fedre med barn som får oppfølging på helsestasjonen. Det vart gjennomført individuelle intervju frå oktober 2023 til februar 2024. Datamaterialet har blitt analysert ved hjelp av refleksiv tematisk analyse i tråd med Braun & Clarke.

Resultat: Vi kom fram til tre hovudtema: 1. Møtet med helsestasjonstenesta, 2. Fedre kan forsvinne i kulissane og 3. Fedre ønsker å ha ein post i programmet. Fedrene er stort sett nøgde med oppfølginga frå helsestasjonen, men opplever likevel at det er ein kvinnearena med fokus på mor og barn. Dei meiner det er naturleg at mor får meir fokus enn dei sjølve, men uttrykker samtidig eit ønske om å bli meir likestilte som omsorgspersonar. Fedrene meiner at dersom helsesjukepleiar stiller direkte spørsmål om korleis dei har det, vil det auke kjensla av inkludering.

Konklusjon: Både samfunnet og helsestasjonstenesta står i vegen for at fedre skal kjenne seg likestilte som omsorgspersonar for barnet. Funna tyder på at helsestasjonstenesta har eit forbetringspotensiale når det kjem til oppfølginga av fedrene.

Nøkkelord: fedre, inkludering, helsestasjonen, kjønning, mattering

Background: This master's thesis is a collaboration between NTNU and the Municipality of Trondheim. The Municipality expressed interest in exploring the theme «The family health centre as an inclusive meeting place». The thesis explores how the fathers experience inclusion at the family health centre and illuminates various aspects of the interaction between fathers and public health nurses.

Research question: How do fathers experience inclusion at the family health centre?

Theory: The theoretical framework for this study is based upon two perspectives; mattering and theory of gender. Previous research shows that fathers want a more active and inclusive role at the family health centre. Still, many fathers feel excluded or experience differences in the support given to mothers and fathers.

Method: This is a qualitative study with an inductive design. The sample is ten fathers with children who receive follow-up at the family health centre. Individual interviews were conducted from October 2023 to February 2024. The data has been analysed using reflexive thematic analysis in line with Braun & Clarke.

Findings: Three main themes were developed from the data: 1. The interaction with the family health centre, 2. They often feel overlooked and sidelined and 3. The fathers express a desire to be more involved in the family health centre´s program. While the fathers are mostly satisfied with the family health centres, they perceive it as a space primarily designed for mothers and children. The fathers acknowledge that it is natural for the mother to receive more attention, but at the same time express a desire to become recognized as equal caregivers. They suggest that if public health nurses ask direct questions about how they are doing, they will feel more included.

Conclusion: Both societal norms and the practices of the public health centres prevents fathers from feeling like equal caregivers for their child. The findings indicate that the family health centre has a potential for improvement when it comes to making the fathers feel like they matter as equal caregivers to mothers.

Keywords: fathers, inclusion, health centre, doing-gender, mattering