Sosialt gruppearbeid og fråfall: «Korleis kan sosialt gruppearbeid bidra til å førebygge fråfall frå vidaregåande opplæring?»

Abstract

Skulefråfall er eit stort problem, både nasjonalt og internasjonalt. Å ikkje fullføre vidaregåande opplæring kan ha store konsekvensar for resten av livet, og kan føre til personlege, psykiske, sosiale og økonomiske problem. I Noreg er det eit politisk mål at 9 av 10 elevar skal fullføre vidaregåande opplæring innan 2030. Spørsmålet om korleis ein skal gå fram for å nå dette målet, har ikkje eit enkelt svar, då skulefråfall er eit komplekst og samansett problem, som vil krevje komplekse og samansette løysingar.

I denne litterære bacheloroppgåva ser eg på korleis metoden sosialt gruppearbeid kan vere med på å bidra til førebygging av fråfall frå vidaregåande opplæring. Sosialt gruppearbeid handlar om at menneskjer med liknande problem kjem saman i ei gruppe og tilbyr kvarandre gjensidig hjelp. I løpet av oppgåva brukar eg gruppeteori, teori om sosialt gruppearbeid og litteratur om fråfall i vidaregåande opplæring til å drøfte kor vidt skulen egnar seg som gjennomføringsarena for gruppearbeidet, korleis dei gruppeprosessane og -ressursane som oppstår kan vere med på å redusere risikoen for fråfall, og korleis ein som sosial arbeidar kan bruke rolla som «gruppeleiar» til å auke sannsynet for at gruppearbeidet oppnår sitt formål.

School drop-out is a big problem, both in an international and national context. Not finishing one’s upper secondary school education can have severe consequences for the rest of one’s life. These consequences include personal, psychological, social, and economic challenges. In Norway, the government has set a goal that by 2030, as many as 9 of 10 students should complete their upper secondary education. How this goal will be achieved, is not an easy question. School dropout is a complex problem that requires complex solutions.

In this theoretical thesis I will look at how the method social groupwork can contribute to the prevention of school drop-out. Social group work aims to bring together people with similar problems and challenges, so that they can offer each other mutual aid. Throughout the paper I use group theory, theory and literature about social group work, as well as literature on school drop-out in upper secondary education to discuss whether or not schools are suitable arenas for this method, as well as how the presence of group processes and resources can be helpful in reducing the risk of school drop-out, and how social workers may use the role of “group leader” to help ensure that the group work achieves its purpose.