Korleis opplever ungdom det å delta i Jobbloop? Bidreg det å delta i Jobbloop til endring av ungdom sin situasjon i høve arbeid/utdanning?

Abstract

Denne masteroppgåva omhandlar problemstillinga: «Korleis opplever ungdom det å delta i Jobbloop? Bidreg det å delta i Jobbloop til endring av ungdom sin situasjon i høve arbeid/utdanning?» Datamaterialet er djupneintervju med seks ungdomar som har delteke i arbeidsmarknadstiltaket, Jobbloop. Jobbloop er eit arbeidsmarknadstiltak for ungdom med nedsett funksjonsevne. Målet med denne oppgåva er å få fram ungdomane sine opplevingar av å delta i arbeidsmarknadstiltaket i håp om at tiltaket skal bli betre og meir målretta for framtidige deltakarar. Oppgåva si teoretiske ramme bygger på Honneth sin anerkjenningsteori, teori kring empowerment og relasjonsteori. Datamateriale frå intervjua vart analysert ved hjelp av ein stegvis-deduktiv-induktiv metode. Hovudfunna viser at Kickoffdagen vart opplevd både som lærerik, men og som ein konkurransesituasjon. Det at dagen hadde ein uformell tone bidrog til at dagen ikkje vart opplevd som skremmande. Vidare viser funna at relasjonen til mentor og det å bli talt med som ein del av laget på arbeidsplassen, er av stor betydning for kor vellukka tiltaket er. Når det gjeld arbeidsoppgåvene kjem det fram at desse må vere tilpassa den enkelte ungdomen og slik at dei kan lukkast og oppleva meistring. Det kjem og fram at viss mentorrolla sviktar er det viktig at NAV rettleiaren gir god oppfølging. Ungdomane er tydeleg på at det før skifte av arbeidsplass var viktig å ha ein dag der dei besøkte sin neste arbeidsplass. Dette gjorde overgangen lettare. Samtlege av informantane opplevde at dei hadde nytta av å delta i Jobbloop og funna viser at fire av dei seks informantane fekk tilbod om ordinært arbeid etter avslutta Jobbloop.

This master’s thesis deals with the issue: “How does the youth experience participating in a Jobbloop? Does the Jobbloop contribute to change their situation in terms of work/education?” The data material is an in-depth interview with six young people that have participated in the labour market measure, Jobbloop. Jobbloop is a labour market measure for young people with impaired functionality. The goal with this thesis is to bring the young people’s experience to light in hopes that the measure will improve and become more goal oriented for future participants. This thesis’s theoretical frame is based on Honneth’s recognition theory, empowerment theory and relationship theory. A step-by-step deductive-inductive method was used for analysis of the interview material. The main discoveries were that the Kick-off Day was regarded as both educational and a competitive situation. The day’s informal tone helped the mood not get daunting or scary. Another discovery found that if the youth were talked to and treated like a co-worker, it drastically affected the success rate of the measure. Considering the tasks given, it was discovered that they had to be adapted to each individual so they could manage it and experience mastery. Further discoveries show that if the mentor role fails, it’s important for the NAV consultant to follow-up and correct the mistake. Lastly, the young people were clear on the fact that a visit to their next workplace was necessary before they changed to it, to make the transfer easier. Several of the informants experienced that participating in Jobbloop was useful and that four out of six of them got offers for regular jobs after Jobbloop was concluded.