Hydro i Quatar - Læring og CSR-arbeid
Abstract
Denne oppgåva tek føre seg koplinga mellom Corporate Social Responsibility (CSR) og organisasjonsmessig læring. CSR er ei kjelde til usikkerheit hos leiarar, og leverer uvande problemstillingar for ein ingeniørorganisasjon. Både avdi det vil betre innfasing av CSR-prinsipp i organisasjonen, og avdi CSR avdekker læringssituasjonen godt er det viktig at CSR-arbeid blir følgd av eit blikk på eigne læringsrutinar.
Norsk Hydro tek CSR-arbeid på alvor. Det er allokert midlar og merksemd frå leiinga når det gjeld dette. Tilnærminga til implementeringa er å innkorporere CSR-perspektiva i etablerte system for prosjektgjennomføring og i budsjetteringsprosessar. Hydro er prega av eit praksisfellesskap av ingeniørar, og vil helst fokusere på ein serie av vande problemstillingar. Slik sett meistrar Hydro ikkje i stor nok grad å endre sitt syn på røyndomen dei opererer slik at CSR-arbeidet blir så bra som det kunne ha vore. Norsk Hydro bør i det vidare arbeidet sjå på organisasjonslæring og CSR saman. Studien av CSRarbeidet avdekkar at Hydro på ingen måte har optimalisert sitt potensiale for læring.