Innovasjon som kombinasjon, teknologi og omstilling

Abstract

Artikkelen drøftar korleis synet på teknologi og innovasjon har utvikla seg frå Joseph Schumpeter sin teori om økonomisk utvikling frå første halvdel av 1900-talet og fram til nyare tids innovasjonspolitikk som siktar mot å omstille samfunnet ved å peike ut samfunnsoppdrag. Ved å tolke utviklinga av innovasjonsomgrepet i lys av schumpeteriansk og ny-schumpeterianske teoriar om økonomisk utvikling, teknologisk innovasjon og rettferdig berekraftig omstilling undersøker artikkelen korleis innovasjonsomgrepet har utvikla seg saman med spørsmål om og korleis ein kan rasjonelt handtere dei sosiale og dei teknologiske endringane moderne samfunn stadig står overfor.