| dc.description.abstract | Samandrag
Denne studien tar for seg samanhengen mellom lidenskap, pågangsmot og flyt i lys av ferdigheitsutvikling, og er eit vitskapleg bidrag med hensikt å betre forståinga av kva og korleis ulike faktorar kan påverke denne utviklinga. Meir kunnskap omkring samanhengen mellom dei ulike motivasjonsfaktorane kan føre til at ein større forståing av korleis ein stimulerer til læring og utvikling blant individ som ønskjer å prestere betre. Utvalet bestod av 266 norske studentar. Lidenskap blei undersøkt med Passion scale beståande av 8 ledd. Grit-S blei brukt til å undersøke pågangsmot. Skalaen har 8 ledd. General flow proneness scale målte mengde flyt hos studentane og hadde 13 ledd. Resultata viste ein signifikant positiv moderat samanheng mellom lidenskap og pågangsmot, r = .32, p < 0.01, lidenskap og flyt, r = .44, p < 0.01, samt pågangsmot og flyt, r = .48 p < 0.01. Studien konkluderer med at dei ulike konstrukta opererer som motivasjonsfaktorar og at dei har stor påverknad på ferdigheitsutviklinga. Ulike definisjonar og konseptuelle likskapar mellom konstrukta kan derimot skape ein del forvirring som vidare forsking bør forsøke å oppklara. Vidare føreslår studien eit dynamisk samspel mellom motivasjonsfaktorane som også gir implikasjonar for vidare forsking. | |