Frå strategi til avsetting - Eit studie om Statoil sin utvikling av strategi for avsetting av norsk olje i perioden 1974-1979, med fokus på råolje og raffinerte produkt frå Statfjord-feltet

Abstract

Den 24. november 1979 opna Statfjord A sin produksjon av olje, og starten på avsettinga av oljen vart satt i gang kor tid etter. Målet med denne oppgåva er å gje innsyn i korleis strategien for avsettinga av råolje og raffinerte produkt frå Statfjord-feltet vart danna, og korleis strategien endra seg i perioden 1974-1979. Oppgåva har som føremål å sjå på korleis strategien vart utvikla av Statoil, då med fokus på marknadsføringsavdelinga sitt arbeid om å utrette ein plan for avsettinga av råolje og raffinerte produkt. Det har difor mellom anna blitt sett på kva avtalar Statoil såg på som mest aktuelle, kven som var dei potensielle kjøparane av Statfjord-oljen og korleis oljen skulle avsettast. Innsyn i arkivmateriale henta frå Equinor sine arkiv i Stavanger gjorde det mogleg å finne svar på det overordna spørsmålet i oppgåva. Starten av planlegginga for ein strategi for avsettinga frå Statfjord-feltet starta når feltet vart oppdaga i 1974, og den resulterande strategien av planlegginga vart lagt fram den 15. januar 1979. I tida mellom desse to tidspunkta vart utretta ein strategi for korleis avsettinga skulle finne stad, og oppgåva omhandlar korleis denne strategien vart utvikla. Resultatet av strategien var at Statoil hadde innsikt i kva handlingsforløpet til den framtidige avsettinga i dei kommande åra ville vere og kva land som vart mest aktuelle å selje oljen til. Statoil hadde også danne ein framtidig handlingsplan for korleis fordelinga mellom sal av råolje og raffinerte produkt skulle sjå ut, og kva tidspunkt det ville vere aktuelt å selje desse formene for olje til norske og internasjonale oljeselskap og land.