Samanlikning av kostnader og byggetid for ulike byggemetodar på betongbru

Abstract

SamandragI denne oppgåva er byggemetodar for overbygning og søyler på betongbru brukte på prosjektet nyE18 Sky - Langangen beskrevet. For overbygning er forskaling på underliggande monteringsdragar og reis omtalt. For søyler er glideforskaling og klatreforskaling omtalt, tillegg er det gitt ein kort omtale av søyleforskalingssystem og bygging av søyler med systemforskaling.Det er gjort ein samanlikning av kostnader for forskaling av bruoverbygning på underliggande monteringsdragar og reis . For søyler er kostnader og byggetid for glideforskaling og klatreforskaling samanlikna.Resultatet av samanlikninga av kostnad for bygging av overbygning på underliggande monteringsdragar og reis er at gjennomsnittskostnaden for forskaling av overbygning på fagverksbjelken 2 555 kroner per kvadratmeter. Tilsvarande for bygging på reis er 2 072 kroner perkvadratmeter. Kostnadane for forskaling på fagverksbjelken er dermed 23 % større enn for forskalingpå reis.Medverkande årsaker til dette resultatet kan vere at bygging på reis er ein vel utprøvd og mykje  brukt metode, medan forskaling på den underliggande monteringsdragaren er ein mindre brukt og mindre standardisert byggemetode og dette var første gang denne byggemetoden var i bruk på dette prosjektet.Resultatet av samanlikninga av kostnad for bygging av søyler med glideforskaling og sjølvklatrande klatreforskaling er at gjennomsnittskostnaden for bygging av søyle med glideforskaling er 1 059kroner per kvadratmeter. Tilsvarande for sjølvklatrande klatreforskaling er 1 443 kroner perkvadratmeter. Dette gir at kostnadene er 36 % større for søyler bygde sjølvklatrande klatreforskaling samanlikna med søyler bygde med glideforskaling.Medverkande årsaker til dette resultatet er at glideforskaling krev høgare bemanning over ein kortare tidsperiode og gjennom heile døgnet. Likevel er medgåtte timeverk omtrent halvparten av medgåtte timeverk for sjølvklatrande klatreforskaling, både når ein reknar timeverk per kvadratmeter forskaling og per meter søyle.Resultatet av samanlikninga av byggetid på søyler er at byggetida er vesentlig kortare for glideforskaling i forhold til sjølvklatrande klatreforskaling. Glidehastigheita på dette prosjektet har vore ca 3 meter per døgn, noko som gir ei framdrift på ca 21 meter per veke. I tillegg har søylene i ein akse vorte glidd parvis så i praksis vert framdrifta dobbelt så stor. Med den sjølvklatrande klatreforskalinga på Helland bruer var framdrifta eit flytt på 5 meter per veke.Medverkande årsaker til dette resultatet er kontinuerlig drift under ein glidestøyp, men sjølv ved døgndrift ved bruk av klatreforskaling vil byggetida for søyler med glideforskaling vere betydelig kortare.